موضوع: أرجوك .. ماتبقاش نشاز في رمضان! السبت يونيو 10, 2017 10:42 pm
أرجوك .. ماتبقاش نشاز في رمضان!
اتعودنا دايما نقول كلمة "نشاز" على الحاجة الشاذة وسط حاجات كتير متناغمة ومتناسقة مع بعضها.
انظر كده مرة لمنظر المصلين وهم بيصلوا في الكعبة..
منظر مهيــــب ويقذف في قلبك مباشرة احساس الإجلال والتعظيم لربنا سبحانه وتعالى
انظر تاني
وتخيل أنك واحد وسط الناس دي كلــــــها وكلهم زيك بيعبدوا ربنا وكلكم بتسجدوا بسجود بعض وتكبروا بتكبير بعض وبعد السلام من الصلاة تبتسموا في وجوه بعض : ) أكيد إحساس فعلا لا يوصف ! تخيل بقى مشهد تاني في وسط هذا المشهد المهيب العظيم وسط ما الناس كلها ساجدة.. وراكعة .. وتبكي
لقيت واحد بيرقص ؟!!
أو ناصب له "خيبة" رمضانية وبيشرب شيشة !!
أو سايب الناس كلها بتصلي وماسك في ايد صاحبته بيعدي من جنب المصلين !!
طيب ده لو الكاميرا وقفت عليه هتبقى فضيحة "عالمية" تتناقلها وسائل الاعلام أن فلان ابن فلان عصى الله في هذا المكان.
بلاش كده احنا مش هاممنا نظر الناس لكن..
أتدرون أن بعضنا بيكون نشاز وهو مش حاسس؟ تكون الدنيا كلها في رمضان بتعبد ربنا وبتسبح وبتصوم... وهو في جنب تاني لوحده غافل أونايم أو بيلعب
يعدي جنب المصلين في التراويح بالعربية ومش حاسس بحرارة الغيرة أن دول بيعبدوا ربنا وكلهم متناغمين و كلهم بيسبقوه وكلهم بيتوبوا وبيرجعوا وهو لا..
وسبحان الله شهر رمضان هو شهر الدين كله لأن القرآن نزل فيه كله "إِنَّا أَنزَلْنَاهُ فِي لَيْلَةِ الْقَدْرِ" "شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ" فالطبيعي والأساسي أنه شهر للدين وبس شهر للعبادة وبس شهر للقرآن وأي غفلة ولعب و لهو هو "النشاز"
حاجة أخيرة.. قال رسول الله صلى الله عليه وسلم: " أطت السماء و يحق لها أن تئط ، و الذي نفس محمد بيده ، ما فيها موضع شبر إلا و فيه جبهة ملك ساجد يسبح الله بحمده" [size=18]صححه الألباني
فسبحان الله العظيم "يُسَبِّحُ لِلَّهِ مَا فِي السَّمَاوَاتِ وَمَا فِي الْأَرْضِ" له ملكوت السماوات والأرض.. عباد في السماء وعباد في الأرض وغني عن عبادتنا
♥~.دوُلًــتُــيَ ♥~: 
♥|ع ـــٌمـاـًـيً
♥|الجنسًـِـِ *
مـٌـُزاج ــٌـًُـيً♥:
♥|[مًسُآهًمُآًتًيُُ
اآلًسـممْعَهْـ♣
سجَلت بتـآريخ *
العمر
احترام المنتدي
السبت يونيو 10, 2017 10:42 pm
